ഇനി തുടരാം 2

സുഹൃത്തുക്കളേ, ഇതിനു തൊട്ടുമുന്‍പയച്ച മെയില്‍ ഞാന്‍ ( സജിത്തു് ) അയച്ചതായിരുന്നു. പേരു വയ്ക്കാന്‍ വിട്ടു പോയി.
ഈ മെയില്‍ സംവിധാനം. സംശയമുള്ള വാക്കുകളില്‍ തീരുമാനമെടുക്കുന്നതിനായി ചര്‍ച്ച ചെയ്യുവാനാണു്. സംശയം ഇങ്ങനെ ചോദിക്കുക. ചോദ്യം ബ്ലോഗില്‍ വരും. ചര്‍ച്ച അവിടെ തുടരുക. എന്നതാണു് ഇപ്പോള്‍ ആലോചിച്ചു വച്ചിട്ടുള്ള പരിഹാരം.
എന്നു് സസ്നേഹം
സജിത്തു്‌

ഇനി തുടരാം

പ്രിയമുള്ളവരേ, സംവൃത-വിവൃത ഉകാരങ്ങളെ ഏകോപിപ്പിക്കുക കൂടി ചെയ്തിരിക്കുന്നു. (അരിക്‌ എന്നു തെരഞ്ഞാല്‍ അരികു് കിട്ടുന്ന സംവിധാനം ഉണ്ടാക്കിയിരിക്കുന്നു എന്നര്‍ത്ഥം) ഇതോടു കൂടി പ്രധാനമായും വേണ്ട എല്ലാ വിശദാംശങ്ങളും ഉള്‍പെടുത്തിക്കഴിഞ്ഞിരിക്കുന്നു. ഇനി എന്തെങ്കിലും വിട്ടുപോയിട്ടുണ്ടെന്നു കാണുന്നവര്‍ ദയവായി‍ അതു് അറിയിക്കുക. ഉണ്ടാക്കി വരുന്ന മാറ്റങ്ങള്‍ എവ്വിധത്തിലാണു പ്രതിഫലിക്കുന്നതെന്നറിയാത്തതിനാല്‍ പലരോടും തല്‍ക്കാലം എന്റ്രി ചെയ്യേണ്ട എന്നു പറഞ്ഞിരുന്നു. ആ വിലക്കു് എടുത്തു കളഞ്ഞതായി ഇതിനാല്‍ അറിയിച്ചു കൊള്ളുന്നു. എല്ലാ സന്മനസ്സുകളും നിഘണ്ടുവിലേക്കു് വിവരങ്ങള്‍ ചേര്‍ത്തു തുടങ്ങണമെന്നു് അഭ്യര്‍ത്ഥിക്കുന്നു നാ‍മം ക്രിയ എന്നീ തരങ്ങള്‍ കണിശമായും രേഖപ്പെടുത്തേണ്ടതാണെന്നു് ഒന്നു കൂടി ഓര്‍മ്മിപ്പിക്കട്ടെ. സ്നേഹം

ചില അറിയിപ്പുകൾ

പ്രിയസുഹൃത്തേ,
ഒരു സമ്പൂർണ്ണ മലയാള ഭാഷാനിഘണ്ടുവിന്റെ നിര്‍മ്മാണം ആരംഭിച്ച വിവരം നിങ്ങൾ അറിഞ്ഞിരിക്കുമല്ലോ. മലയാളഭാഷാനിഘണ്ടുവിൽ നിന്നും ആദ്യമായി അയക്കുന്ന സന്ദേശമാണു് ഇത്. ഭാവിയിൽ ഇതുപോലുള്ള സന്ദേശങ്ങൾ അത്യാവശ്യത്തിനു മാത്രമായിരിക്കും എന്നു് ഓർമ്മപ്പെടുത്തട്ടെ. ഈ പദ്ധതിയെ നിങ്ങളിൽ പലരും അകമഴിഞ്ഞ് സഹായിച്ചിട്ടുണ്ട്. പലരും പൂർണ്ണ പിന്തുണ വാഗ്ദാനം ചെയ്തിട്ടുമുണ്ട്. ആ സഹകരണ ങ്ങള്‍ക്ക് ആദ്യമായി ഞാൻ നന്ദി പറയുന്നു.

നിങ്ങൾ അംഗമായതിനു് ശേഷം സൈറ്റിൽ ചില മാറ്റങ്ങൾ വരുത്തിയിട്ടുണ്ട്. അത് വിവരിക്കാൻ കൂടിയാണു് ഈ സന്ദേശം.

1) ഇതുപോലുള്ള സന്ദേശങ്ങൾ ഭാവിയിൽ ലഭിക്കാതിരിക്കാൻ നിങ്ങൾക്ക് അംഗങ്ങൾ എന്ന താൾ സന്ദർശിച്ച ശേഷം e-mail സന്ദേശങ്ങൾ ക്രമീകരിക്കാം.

2) വാക്കുകളും അർത്ഥങ്ങളും XML ആയി പ്രസിദ്ധീകരിക്കുന്നുണ്ട്. ഈ പേജ് കൈകാര്യം ചെയ്യാനും ആവശ്യമുള്ളപക്ഷം പ്രദര്‍ശിപ്പിക്കാനുമുള്ള സൌകര്യം തിരുത്തുന്നവര്‍ക്കുണ്ടായിരിക്കും.

3) കൂട്ടിച്ചേര്‍ത്ത ശബ്ദങ്ങളുടെ അര്‍ത്ഥം 'പുതിയപദങ്ങള്‍' എന്ന താളില്‍ കാണാവുന്നതാണ്. ഏതര്‍ത്ഥമാണ് അംഗീകരിക്കേണ്ടത് എന്ന കാര്യത്തില്‍ തിരുത്തുന്നവര്‍ക്ക് തീരുമാനമെടുക്കാവുന്നതാണ്.

4) ഈ ആവശ്യത്തിലേയ്ക്കായി പുതിയ ഒരു ബ്ലോഗ് തുടങ്ങിയിട്ടുണ്ട്. തിരുത്തുന്നവർക്ക് നിഘണ്ടുവിൽ നിന്നും ആവശ്യമുള്ള സന്ദേശങ്ങൾ അയക്കാം. ഈ സന്ദേശങ്ങൾ ml-d.blogspot.com എന്ന blogൽ പ്രത്യക്ഷപ്പെടും.

5) തിരുത്തുന്നവര്‍ക്ക് പര്യായങ്ങള്‍ തിരഞ്ഞെടുക്കാനും ചിത്രങ്ങള്‍ ചേര്‍ക്കാനും സൌകര്യമുണ്ടായിരിക്കും.

എല്ലാവരുടെയും സഹകരണം പ്രതീക്ഷിച്ചുകൊണ്ട്,

ആദരവോടെ:

നിഷാദ് കൈപ്പള്ളി

സ്വാഗതം

ഒരു മലയാളഭാഷാനിഘണ്ടു ആരംഭിച്ച വിവരം സന്തോഷപൂർവം അറിയിക്കട്ടെ. എല്ലാവരുടേയും സഹകരണത്തിന്റെ ഫലമായി ഇത് ഭാവിയിൽ ഒരു സമ്പൂർണ കൃതിയായി തീരും എന്ന് പ്രതീക്ഷിക്കുന്നു.

ഈ ബ്ലോഗിന്റെ ഉദ്ദേശം:

1) നിഘണ്ടുവിന്റെ പ്രവർത്തനത്തേക്കുറിച്ചും അതിന്റെ പോരായ്മകളെ കുറിച്ചും ചർച്ച ചെയ്ത് ശരിപ്പെടുത്തുക
2) പുതിയ അംഗങ്ങൾക്കുള്ള സഹായം
3) വാക്കുകളും അർത്ഥങ്ങളും സമ്പന്ധിച്ചുള്ള ചർച്ചകൾ

പുതു ചർച്ചകൾ ഇവിടെ ഒഴിവാക്കണം എന്ന് വിനീതമായി അഭ്യർത്ഥിക്കുന്നു.

ഈ ബ്ലോഗിന്റെ admin ഞാൻ (നിഷാദ് കൈപ്പള്ളിയും) സജിത് യൂസുഫ് (സിദ്ധാർത്ഥനും) മാത്രമായിരിക്കും.